T: R. Bruining
TSA: D. Hugo
M: Herman van Veen




'n Teer Gevoel
jaar: 1997

Ek koester steeds 'n teer gevoel
vir elke gek, vir elke dwaas
wat heeldag leeglÍ sonder doel
van elke daad volledig baas

Ek koester steeds 'n teer gevoel
vir elkeen wat hom luidkeels uit
die kompromis beskou as bluf
vir wie die groep sy deure sluit

Ek koester steeds 'n teer gevoel
vir hulle wat die lewe troef
en as die waarheid drome tart
klink hulle lag 'n bietjie droef

Ek koester steeds 'n teer gevoel
vir elke man, vir elke vrou
wat in volkome weerloosheid
'n ander liefhet en vertrou

Ek koester steeds 'n teer gevoel
vir elke man, vir elke vrou
wat in volkome weerloosheid
'n ander liefhet en vertrou





verschenen op:

'n Teer Gevoel (1997)